ХĔЛ хăйĕн ирĕкĕпе туллин хуçаланса пырать.Декабрь пуçламăшĕнчех юр та çителĕклех çурĕ, сивви те кăралăхне кăтартса ĕлкĕрчĕ. Çавна май пирĕн спортсменсем хĕллехи спорт ăмăртăвĕсене пуçлама хатĕр. Патăрьелĕнчи "Паттăр" спорт шкулĕн директорĕ Анатолий Афанасьев хаçат редакцине пĕлтернĕ тăрăх, кăçал та Юхмапа Пăла тăрăхĕнче спортсменсене 8 хоккей коробки йышăнĕ. Вĕсенчен виççĕшне - Çĕнĕ Ахпỹртре, Сăкăтра, Первомайскинче - Тимченкосен Ыр кăмăллăх фончĕн "Ырă пăр" программипе хута янă. Унсăр пуçне хĕллехи сезонта ултă вырăнта тăтăшах йĕлтĕр йĕрĕ пулĕ, вĕсенче ăмăртусем иртĕç. Вăл шутра Кĕçĕн Арапуçĕпе Кĕçĕн Патăрьелĕнче çутăсемлĕ йĕлтĕр йĕрĕ çынсене савăнтарĕ.

Унсăр пуçне Аслă Чементе, Первомайскинче, Турханта, Нăрваш Шăхалĕнче йĕлтĕрçĕсене старта тăмалли условисем çителĕклине, çывăх вăхăтрах ăмăртусем пуçланассине пĕлтерчĕ Анатолий Семенович.