Тăвай муниципалитет округĕн "Аль" спорт шкулĕнче 2006 çулта тата вĕсенчен каярах çуралнă каччăсен командисем хушшинче Шупашкарти А. Степанов индивидуаллă предприниматель парнисене çĕнсе илессишĕн волейбол турнирĕ иртнĕ. Унта 9 команда - Çĕнĕ Шупашкар, Шупашкар хулисен, Патăрьел, Вăрмар, Комсомольски тата Тăвай муниципалитет округĕн ("Аль" спорт шкулĕн 5 команди) - хутшăннă.

Турнир çивĕч иртнĕ. "Аль" спорт шкулĕ пĕрремĕш вырăн йышăннă. Иккĕмĕшне Патăрьел муниципалитет округĕн, виççĕмĕшне Çĕнĕ Шупашкар хулин командисем тухнă, кубоксене, грамотăсене, медальсене тивĕçнĕ.

Патăрьел муниципалитет округĕн команди йышĕнчи Максим Ефремов "Чи лайăх тапăнса вылякан" ята тивĕçнĕ.