Раççей Федерацийĕн Президенчĕ Владимир Путин декабрĕн 14-мĕшĕнче çулталăка пĕтĕмлетет. Мероприяти пĕрлештернĕ тỹрĕ линипе пĕтĕмлетỹ пресс-конференцийĕ мелĕпе иртет. Кун пирки журналистсене çĕршыв ертỹçин пресс-секретарĕ Дмитрий Песков пĕлтернĕ.

Кун пек форматпа пĕрремĕш хут кăна мар усă кураççĕ ĕнтĕ. 2020 çулта та ăна çапла ирттернĕ. Ун чухне икĕ мероприятие унчченхи пек йĕркелеме пандеми чăрмантарнă. РФ Президентне 8-800-200-40-40 телефонпа шăнкăравласа е 0-40-40 телефонпа смс çырса, moskva-putinu.ru сайт, Контактра, Одноклассники социаллă сетьсем урлă та ыйту пама пулать.