Раççейри "Пĕлỹ" обществи "Хăвăн пĕлĕвне пайла" çут ĕç акцийĕ ирттернĕччĕ. Вăл вăхăтра çĕршывĕпех ăста юрăçсемпе, спортсменсемпе, обществăн паллă çыннисемпе тĕл пулусем йĕркеленĕччĕ, тĕрлĕ мероприяти пулнăччĕ. Республикăра та 2000 çынна явăçтарнă 100 ытла мероприяти йĕркеленĕччĕ. Çавна май Чăваш Ен Раççейĕн регионĕсем хушшинче малти виçĕ вырăна йышăннисен шутне лекнĕччĕ.

Акцие пĕтĕмлетнĕ май республикăри 17 педагог çĕнтерỹçĕсен шутне кĕнĕ. Çав йышра Патăрьелĕнчи пĕрремĕш вăтам шкулта математикăпа вĕрентекен Гульнафис Азмукова та пур.