Раççей Федерацийĕн Президенчĕ Владимир Путин Кремльте Донецк халăх республикин Геройне Артем Жогăна хăй Президент суйлавне хутшăнасси пирки пĕлтернĕ.

ВЦИОМ суйлав компанийĕ пуçланас умĕн ку ыйтупа халăх шухăшне ыйтса пĕлнĕ. Çĕршывра пурăнакансен пысăк пайĕ Владимир Путин 2024 сулхи мартăн 15-17-мĕшĕсенче иртекен Раççей Президенчĕн суйлавне кандидат пулса хутшăнассине ырланă.

Чăваш Республикин Пуçлăхĕ Олег Николаев Владимир Путин суйлава кандидат пулса хутшăнма шут тытни Раççей хăватне, пĕрлĕхне сыхласа хăвармалли çулпа кайнине пĕлтернине палăртнă. Çакăн пек çирĕплетсе каланипе Чăваш Республикинче пурăнакансенчен нумайăшĕ пĕр шухăшлăн килĕшеççĕ.

Александр ИВАНОВ

ШУХĂШ

Рудольф Селиванов, Патăрьел муниципалитет округĕн пуçлăхĕ:

- Пирĕн Президент ыранхи куна пысăк шанчăкпа пăхакан питĕ ăслă та вăйлă политик. Çавăнпа та Владимир Путин Раççей Президенчĕн суйлавне хутшăнма шухăш тытнине пĕтĕмпех ырласа йышăнтăм. Владимир Владимирович 2024 çулхи суйлава хутшăнни çĕршыв суверенитечĕшĕн, суйласа илнĕ çулшăн питех те пĕлтерĕшлĕ.