Шăнкăртамри пĕрремĕш вăтам шкулта вĕренекенсем Хусанта Пĕтĕм Раççейри ачасемпе çамрăксен Атăл тăрăхĕнчи "Наци пуянлăхĕ" фестивалĕн гала-концертне хутшăннă. Йĕркелỹ комитетне Тутарстан, Пушкăрт, Чăваш Ен, Удмурт, Мордва, Мари Эл, Тыва, Ульяновск, Киров, Тюмень, Чулхула, Саратов облаçĕсемпе республикисенчи вĕренỹ заведенийĕсенчен 700 ытла ыйту кĕнĕ. Фестивале Раççейре пурăнакан халăхсен чĕлхине аталантарас, культурипе йăли-йĕркине тытса пырас, вĕсен хушшинчи туслăха çирĕплетес тĕллевпе йĕркеленĕ. Çамрăксем хушшинче ăста юрăçсене, музыкантсене, хореографие, эстрада юррисене халăх майлă мĕнле йĕркеленине палăртасси, манăçа тухнă технологисене кун кăтартасси те тĕп вырăнта тăнă. Литературăпа илемлĕх ăсталăхне, куçару ĕçне явăçнине шута илнĕ. Çитĕнекен ăрăвăн тăван чĕлхе, литература, культура патне туртăм пуррине мала хунă.

Шăнкăртамри пĕрремĕш вăтам шкулта вĕренекенсем хăйсен ĕçĕпе тỹресен умĕнче "Медиаăсталăх" номинацире хутшăннă. 10 класри Л. Вахитова (ертỹçи З. Мтеева) иккĕмĕш, 9 класри А. Феткуллова (Р. Айзатуллова) виççĕмĕш вырăнсене йышăннă.

 Альбина ИВАНОВА