Октябрь уйăхĕнче Чăваш Республикинчи çут çанталăк министерстви пулăшăвĕпе наци библиотеки "Усравлăх ĕçе парăнни - чун туртăмĕ" пĕрлĕхлĕ профориентаци кунĕ йĕркеленĕччĕ. Вăл "Çут çанталăкпа пурăнатăп тата сывлатăп" проектпа килĕшỹллĕн иртнĕччĕ. Муниципалитет округĕнчи тĕп библиотекăна çак кун Патăрьелĕнчи пĕрремĕш вăтам шкулта вĕренекен 10б классем (ертỹçи Елена Краснова) килнĕччĕ. Çакăнта "Присурский" заповедникăн аслă наука сотрудникĕ Миназым Рахматуллин та явăçнăччĕ. Çитĕнекен ăрупа "Çутçанталăк ăстисем" темăпа экологи квесчĕ ирттернĕччĕ.

Акцие республикăри 205 библиотека хутшăннăччĕ. Мероприятисене 3000 ытла çын явăçнăччĕ. Акци пĕтĕмлетĕвĕнче 10 библиотека çĕнтерỹçĕ пулнă. Çак йышра пирĕн муниципалитет округĕнчи те. Вăл тĕп парнене - диплома, монокулярлă микроскопа тата экологи темипе çырнă кĕнекесене тивĕçнĕ.

Альбина ИВАНОВА