ЫРĂ йăлана малалла тăсса кăçал та Кăшарнинче, январĕн 19-мĕшĕнче, Патăрьел муниципалитет округĕнчи сăвапланă купельсенче çынсем шыва кĕрсе чунне те, ỹтне те тасатĕç. Çак тĕллевпе çичĕ ялта - Алманчăра, Чăваш Ишекĕнче, Красномайскинче, Первомайскинче, Çăл Атăкра, Патăрьелĕнче тата Турханта - мĕн пур хăрушсăрлăх йĕркине пăхăнса шыва кĕмелли вырăнсем хатĕрленĕ. Кăшарнинче вĕсенче кунĕпех йĕрке хуралĕн, медицина сотрудникĕсем хурал тăрĕç. Шыва чăмса тухакансен вара мĕн пур хăрушсăрлăх йĕркине пăхăнмалла, эрех-сăра ĕçнĕ хыççăн е сывлăхĕ япăх пулсан теветкеленмелле мар