Сăкăтри культура çуртĕнче Николай Ларионова асра тытса шашкăлла выляса ăмăрту иртнĕ.

Николай Ларионов çак ялта çуралса ỹснĕ. Нумай çул культура çуртĕнче киномеханик пулса ĕçленĕ. Пушă вăхăтра шахматла тата шашкăлла выляма юратнă.

 Турнира Юрий, Станислав, Валерий ывăлĕсем тăрăшнипе йĕркеленĕ. Вăййа 12 шашист хутшăннă.

6 сехете тăсăлнă турнир. Тикешри Владислав Антонов çĕнтернĕ. Нăрваш Шăхалĕнчи Владислав Григорьев иккĕмĕш, Патăрьелĕнчи Николай Федоров виççĕмĕш вырăнсене йышăннă.

Çĕнтерỹçĕсемпе призерсем кубоксене, медальсене, грамотăсене тивĕçнĕ.

Альбина ИВАНОВА