ЧĂВАШ халăхĕн мухтавлă ывăлĕ, пирĕн ентешĕмĕр, Раççей вĕрентỹ академийĕн академикĕ, тĕрлĕ хисеплĕ ята тивĕçнĕ Лев Пантелеймонович Кураков пирки хăй пурăннă чухне те, çут тĕнчерен уйрăлса кайсан та чылай поэт-писатель, журналист, ахаль çынсем унăн сумлă ĕçне хак парса сахал мар сăвă-калав, ырă аса илỹ хайларĕç. Малашне те çырĕç-ха. Çакна шута илсе Чăваш Еншĕн, Патăрьел муниципалитет округĕн аталанăвĕшĕн пысăк тỹпе хывнă хисеплĕ çыннăмăр пирки çырнă йĕркесене пурне те пĕрле пухса "О славном сыне чувашского народа - Льве Куракове" сăвăсен тата калавсен пуххине çывăх вăхăтра кăларма хатĕрленеççĕ. Вăл чăвашла тата вырăсла пичетленсе тухмалла. Ĕçе йĕркелесе пыма яваплă çынсене те çирĕплетнĕ. Лидия Филиппова, Светлана Кулакова, Марина Иванова - редколлеги членĕсем. Заявкăсене 2024 çулхи июнĕн 30-мĕшĕччен çак адреспа ярса памалла: Адрес электронной почты защищен от спам-ботов. Для просмотра адреса в вашем браузере должен быть включен Javascript., Адрес электронной почты защищен от спам-ботов. Для просмотра адреса в вашем браузере должен быть включен Javascript.. Ĕç калăпăшĕ 12-мĕш шрифтпа пуçтарнă сăвă-калав 100 строкаран ытлашши пулмалла мар.