Раççей Президенчĕн суйлавĕ вăхăтĕнче, мартăн 15-17-мĕшĕсенче, Чăваш Республикинче пурăнакансем хăтлăлатмалли çĕнĕ объектсемшĕн Пĕтĕм Раççей сасăлавĕнче хăйсен шухăшне пĕлтерме пултараççĕ. Сăмах май, сасăлав Раççей Федерацийĕн Президенчĕ пуçарнипе çулленех "Пурăнмалли çурт-йĕр тата хула хăтлăхĕ" наци проекчĕн тытăмĕнчи федерацин "Хăтлă хула хутлăхне йĕркелесси" проектпа килĕшỹллĕн пурнăçланать. Кăçал сасăлава регионти 5 хулапа 20 муниципалитет округĕнчи 55 объект хутшăнать.

 Юхмапа Пăла тăрăхĕнче 2025 çулта тирпей-илем кĕртме Патăрьелĕнче халăх йышлă канмалли икĕ лапамăн дизайн-проекчĕсене сасăлава тăратнă.

Çынсем хăйсене килĕшекен зонăшăн суйлава пырсассăн пĕлтерме пултараççĕ. Сасăлава хутшăнакан территорисемпе волонтерсем тĕплĕн паллаштараççĕ. 14 çултан аслăрах кашни Раççей çынниех хăйĕн шухăшне параять.

 (Хамăр корр.)