ĔЛĔКРЕХ, Çăварни эрнинче ялсем кĕрлесе çеç тăнă... Тĕрлĕрен тĕслĕ лентăпа, алшăллипе, чечексемпе, чи пĕлтерĕшли - йĕс шăнкăравпа - капăрлатнă урхамах кỹлнĕ çунасем çинчи чиперккесемпе яшсем, аслă çулхисем хут купăспа юрă-кĕвĕ шăрантарса çуркуннене кĕтсе илсе хĕле ăсатнă, катаччи чупнă, аслă типпе кĕриччен пĕр-пĕрин патне хăнана çỹренĕ. Мартăн 11-17-мĕшĕсенче православи тĕнне ĕненекенсем шăпах Çăварни эрнине паллă тăваççĕ, ун хыççăн аслă типĕпуçланать. Хальхи вăхăтра хуçалăхсенче лаша усракансем сахалланчĕç пулин те, ялсенче çак уяв сĕмне кỹрекен, ырă йăла-йĕркене аса илекен хастарсем тупăнаççех тесе шутлатпăр.

Мăсăльман тĕн йăли-йĕркине тытса пыракансемшĕн вара мартăн 11-мĕшĕнчен Ураза-байрам пуçланчĕ. Типĕ тапхăрĕ апрелĕн 9-мĕшĕччен пырать.