Çĕнĕ çул умĕн Патăрьел муниципалитет округĕнче йĕркеленĕ "Хĕллехи фантази" конкурса пĕтĕмлетнĕ. Çĕнтерỹçĕсене тĕрлĕ номинаципе чысланă.

Нумай хваттерлĕ тата уйрăм çуртпа пурăнакансенчен "Çывăхри территорие чи лайăх капăрлатакан" номинацире Аслă Чементи Светлана Кошелева хуçалăхĕ пĕрремĕш, Нăрваш Шăхалĕнчи Павел Белковăн - иккĕмĕш, Çĕньялти Василий Живовăн тата Алманчăри Светлана Хадаровăн виççĕмĕш вырăнсене йышăннă.

"Чи лайăх арт-объект" номинацинче Нăрваш Шăхалĕнчи вăтам шкул (ертỹçи Татьяна Михайлова) пĕрремĕш, Аслă Чементи (Наталия Адидатова) тата Кивĕ Ахпỹрти (Петр Рыбкин) пĕлỹ çурчĕсем - иккĕмĕш, Патăрьелĕнчи пĕрремĕш вăтам шкул (Наталия Андреева) тата Çĕньял клубĕ (Надежда Квасова) виççĕмĕш вырăнсене тухнă.

 (Хамăр корр.)