Тутар Сăкăтĕнчи вăтам шкулти М. Хайбуллова, Р. Куликова, Ч. Ва- хитова, Р. Абянова пуçламăш классен вĕрентекенĕсем Раççейри Çемье çулталăкне халалласа "Çемье - телей уççи" ятпа мероприяти ирттерчĕç. Шарафутдиновсен, Аитовсен, Сабитовсен, Хафизовсен, Валиулловсен, Мурдеевсен, Куликовсен, Гайнулловсен, Хасяновсен, Ахметовсен, Незметдиновсен, Абитовсен çемйисем унта хастар хутшăнчĕç. Кашнийĕ хăйсем çинчен каласа пачĕç, йăла-йĕркене аса илчĕç.

Мероприятие Чулпан Илдаровна ертсе пычĕ. Фанис Феметдиновичпа Румия Азимовна сăмах каларĕç. Çемьесем икĕ ушкăна уйрăлса 8 турта тупăшрĕç. Вĕсене ачасем хавхалантарса тăчĕç. Юмах инсценировки вара пурне те тыткăнларĕ. Унта пурте хастар хутшăнчĕç. Мероприяти вăхăтĕнче çемьери кашни çын пĕр-пĕриншĕн тăрăшни курăнчĕ. Çитĕнекен ăру çын пурнăçĕнчи çемье пĕлтерĕшне ăнланчĕ. Ачасемпе ашшĕ-амăшĕн хушшинчи çыхăну та çывăхланчĕ.

Шкул директорĕн воспитани енĕпе ĕçлекен канашçи Г.Айзатуллова мероприятие пĕтĕмлетсе çемьесене асăнмалăх парнесем пачĕ.

Румия КУЛИКОВА