Юхмапа Пăла тăрăхĕнче шыв-шура хирĕç кĕрешекен комисси председателĕ, Патăрьел муниципалитет округĕн пуçлăхĕн пĕрремĕш çумĕн - тирпей-илем тата территорисен аталанăвĕн управленийĕн начальникĕн тивĕçĕсене вăхăтлăх пурнăçлакан Равиль Ямалетдинов гражданла хỹтĕлев, чрезвычайлă лару-тăру, мобилизаци тата ятарлă программăсен пайĕн начальникĕпе Григорий Каллинпа Ишлĕ, Нăрваш Шăхаль, Первомайски, Турхан, Шăнкăртам территори пайĕсенче çурхи шыв-шур вăхăтне хатĕрленсе тата хăрушлăха сирес тĕллевпе кĕпер айĕсенчи, çул урлă каçакан шыв пăрăхĕсенчи юра тасатса шыв çулне уçнине тĕрĕсленĕ.

Хальхи вăхăтра муниципалитет округĕнчи вырăнти пĕлтерĕшлĕ çул, ялсем тулашĕнчи çулсем çинче çул-йĕре пăхса тăракан организацисем - Инна Рубцова, Лилия Манзуркина, Решид Санзяпов предпринимательсен ĕçченĕсем - шыв каякан çулсене пăрпа юртан тасатаççĕ.

(Хамăр корр.)