ÇАК кунсенче Раççей Федерацийĕн спорт министрĕ Олег Матыцин "Раççей спорт мастерĕ" хисеплĕ ята тивĕçнĕ спортсменсем пирки калакан приказа алă пуснă. Вĕсем хушшинче пирĕн ентеш, Хирти Пикшикри Илхам Махмутов пур. Илхам Илгизарович çак сумлă ята корэш енĕпе округ, республика, Раççей шайĕнче пысăк çитĕнỹсем тунăшăн тивĕçнĕ. Сăмах май каласан, пирĕн ентешсем спортăн çак тĕсĕпе тĕнче шайĕнче те кăтартуллă. Çакна та палăртма кăмăллă. Корэш енĕпе Патăрьел муниципалитет округĕнчи 5 спортсмен Раççей, 8-шĕ Чăваш Республикин пĕрлештернĕ командинче çитĕнỹ хыççăн çитĕнỹ тăваççĕ.

- Çакă чăн малтанах Чăваш Республикинчи "Корэш" федерацийĕн президенчĕн Фарид Чабатовăн пысăк тивлечĕ. Вăл пирĕн спортсменсене тĕрлĕ шайри ăмăртăва хутшăнма майсем туса парать, вĕсен çитĕнĕвĕсемшĕн тăрăшать,- пĕлтерчĕ Патăрьелĕнчи "Паттăр" спорт шкулĕн директорĕ Анатолий Афанасьев.