Шкулсенчен вĕренсе тухса алла аттестат илекенсене малашнехи пурнăç канăç памасть. Кам пулмалла-ха? Ку енĕпе педагогика коллективĕ те пулăшу пама тăрăшать. Патăрьелĕнчи пĕрремĕш вăтам шкул администрацийĕ акă ку хутĕнче аслă классем патне тĕл пулăва И.Н.Ульянов ячĕллĕ Чăваш патшалăх университечĕн студенчĕсемпе преподавателĕсене тĕл пулăва чĕнчĕ.

Вĕрентỹ учрежденийĕ - кадрсен лаççи. Аслă инженери шкулĕ пирки унти специалистсем тĕплĕн каласа пачĕç.

Студентсем шкул ачисемпе интеллектуаллă конкурс ирттерчĕç. Мала тухнисене парнесемпе савăнтарчĕç.

Спортзалта квест вăйă йĕркелерĕç. Ачасем ушкăнсене уйрăлса тупăшрĕç. Хĕрсемпе каччăсем компьютер вăййисем вылярĕç, акăлчанла ребуссен тупсăмĕсене, аслă шкул логотипне шырарĕç.

 Студентсен пурнăçĕ кăмăла кайрĕачасене. Вĕсен техника наукисем патне туртăмĕсем пурри те палăрчĕ.

 Альбина АСТРАХАНЦЕВА