Первомайскинчи вăтам шкул спорт залĕнче Чечен Республикинчи çар ĕçĕсене хутшăннă Юрий Ендеева асра тытса пĕрлех вĕрентỹ учрежденийĕсенче пĕлỹ пухакансен спартакиада шучĕпе арçын ачасем хушшинче волейболла выляса турнир иртнĕ. Унта территори пайĕн ертỹçисемпе представителĕсем, çар службинче пĕрле пулнисем те хутшăннă. Пĕр самант шăп тăнă хыççăн Юрий Иванович вил тăпри çине чечексем хунă.

Турнира вăтам шкулта вĕренекенсен 5 команди хутшăннă. Пĕрремĕш вырăна Патăрьелĕнчи пĕрремĕш, иккĕмĕшне Турханти, виççĕмĕшне Первомайскинчи вăтам шкул каччисем тухнă.

Çĕнтерỹçĕсем Хисеп хучĕсемпе парнесемлĕ пулнă.