Ачасемпе çамрăксене финанс культурине хăнăхтарса пырас тĕлĕшпе шкулсенче сахал мар ĕçлеççĕ. Çак темăна уроксенче, хушма занятисенче хускатаççĕ. Ку хутĕнче муниципалитет шайĕнче наукăпа практика конференцийĕ иртрĕ. Унта вĕренỹ учрежденийĕсенче пĕлỹ пухакан 6-11 классене çỹрекен 28 ача хутшăнчĕ.

 "Манăн бизнес-план стартап" проектпа 8 каччăпа хĕр ĕç тăратнă. Шăнкăртамри пĕрремĕш вăтам шкулти М.Валитова (ертỹçи Ф. Хафизова) çĕнтерỹçĕ пулчĕ. "Финанс ултавĕ" енĕпе 9 ача доклад хатĕрленĕ. Патăрьелĕнчи пĕрремĕш вăтам шкулти И. Ильин (Т.Ильина) мала тухрĕ. "Эпĕ - финанс пĕлĕвĕллĕ" темăна 8 çамрăк суйласа илнĕ. Туçари вăтам шкулти О.Сугутская (Л.Карягин) мĕн ыйтнине тĕплĕн пурнăçланă.

Çĕнтерỹçĕсен республикăри наукăпа практика конференцине хутшăнмалла пулать.

Альбина ИВАНОВА