КĂМПА юратакансемшĕн сезон уçăлчĕ тесен те юрать. Вăрманта кăтра кăмпа (сморчок) тухнине те, татса килнине те Интернет уçлăхĕнче кăтартакансем пулчĕç. Белокран пуян çимĕçе пухма кайнă чухне, вăрман çывăхĕнчи ялсенче пурăнакансен асăрханулăха та ỹстермелле иккен. Массăллă информаци хатĕрĕсем пĕр кунах çĕленсем вăраннине пĕлтернĕччĕ. Республикăра хура çĕлен сăхнă тĕслĕхе те шута илнĕ. Арçынна шăвакан чĕр чун пахчара ĕçленĕ чухне çыртнă. Ăна тухтăрсем патне вăхăтра илсе çитернĕрен пурнăçĕшĕн хăрушлăх çук иккенне социаллă сетьсенче çырчĕç.

 Вăрманçăсем çынсене асăрханулăха çухатмалла маррине, инкек курас мар тесен типнĕ çулçăллă, курăклă çĕре маларах патакпа е ытти хатĕрпе тĕрĕслемеллине калаççĕ.