- АВАРИСЕМ пуласса е машинăсем кювета чăмасса кĕтеççĕ-ши çул юсакансем? Çумăр вăхăтĕнче Патăрьелне килмелле пулчĕ те, асфальт çинчи шăтăксене шыв тулнăран нимĕн те курăнманнипе чутах инкеке лекеттĕм, - тесе шăнкăравларĕ пĕр арçын тарăхса.

Сăмах кунта Патăрьелĕнчен Елчĕке каякан республика шайĕнчи автоçул пирки пырать. Вăл чăнах та путăкланса пĕтнĕччĕ, нумай пулмасть ăна юсама тытăнчĕç. Ĕçе технологипе пурнăçлас тĕллевпе шăтăксене тата ытларах пысăклатса тухрĕç, анчах асфальт сарма темшĕн васкамаççĕ. Кăнтăрла, типĕ çанталăкра пăрăнкалăн-ха, каçпа вара мĕнле çỹремелле?