"АВАНГАРД" пĕрлешĕвĕн "Патăрьел беконĕ" филиал çулленех хăй усă куракан çĕрсен территори пайĕсенче пурăнакан Тăван çĕршывăн Аслă вăрçин ветеранĕсене, мăшăрĕсене вăрçăра çухатнисене, тыл хастарĕсене Çĕнтерỹ уявĕпе саламлать. Кăçал та çак ырă йăлана малалла тăснă. "Патăрьел беконĕ" филиалăн директорĕ Александр Владимиров Туçа тата Çĕньял территори пайĕсене çитнĕ. Вăрçă вăхăтĕнче тăшмана парăнтарассишĕн тата кайран çĕршыва ура çине тăратассишĕн ырми-канми тăрăшнисене территори пайĕн начальникĕсемпе Алена Мальцевăпа, Мария Мадюковăпа, Патăрьелĕнчи социаллă хỹтлĕх центрĕн начальникĕпе Николай Ялуковпа пĕрле "Авангард" пĕрлешỹ туса илсе хатĕрлекен продукцисене тултарнă пакетсем панă, ырми-канми ĕçĕсемшĕн тав тунă тата Çĕнтерỹ кунĕпе саламланă