Акатуй-Сабантуй - çурхи ака-суха ĕçĕсене вĕçленĕ хыççăн ирттерекен уяв. Вăл тĕрлĕ наци çыннине, ватти-вĕттине пĕрлештерет, çав вăхăтрах уйрăм хастарсемпе коллективсен ĕçри пултарулăхĕпе, ăсталăхĕпе, спортри çитĕнĕвĕсемпе паллашма, пĕр-пĕринпе кăмăлтан курса калаçма май парать.

 Патăрьел муниципалитет округĕнче 19-мĕш хут йĕркелекен ача-пăча уявĕ июнĕн 11-мĕшĕнче, 72-мĕш хут йĕркелекен Акатуй-Сабантуй июнĕн 12-мĕшĕнче иртĕ. Яланхи пекех хăнасемпе Юхмапа Пăла тăрăхĕнче пурăнакансене Шăнкăртам вăрманĕнчи "Хĕвеллĕ" уçланкă хапăл пулĕ.

Александр ИВАНОВ