ПУРНĂÇ шав малалла шăвать: пĕрисем - çуралаççĕ, теприсем - вилеççĕ. Патăрьел муниципалитет округĕн ЗАГС пайĕнче апрельте 20 ача - 11 хĕр ачапа 9 арçын ача - çут тĕнчене килнине регистрациленĕ. Сăмах май, пĕлтĕр çак вăхăтра кăçалхинчен 10 çĕнĕ "кайăк" сахалтарах хутшăннă.
Çуркуннен иккĕмĕш уйăхĕнче 45 çын - 25 хĕрарăмпа 20 арçын - вилнĕ. Этемлĕхĕн вăйлă пайĕн вăтам çулĕ 57 çулпа, иртнĕ çул вара 63-пе, танлашнă. Хĕрарăмсем вăтамран 80 çул (пĕлтĕр - 83) пурăнаççĕ.
Иртнĕ уйăхра 5 мăшăр пĕр çулпа утма, пĕр-пĕрне йывăрлăхра та, савăнăçра та пулăшса пыма тупа тунă. 2023 çулта çак тапхăрта 12 туй кĕрленĕ. Венчет çĕрри пĕр-пĕрне тăхăнтартакансем сахал пулни православи тĕнне ĕненекенсемшĕн Мăнкун типпи пынипе те çыхăннă.
Пилĕк çемье тĕрлĕ сăлтава пула арканнă.
Сентябрь 2024 |