Вăрнарти "Рассвет" спорт шкулĕнче "Порт Коломна" акционерсен пĕрлешĕвĕн генеральнăй директорĕн Владимир Алексеевăн парнисене çĕнсе илессишĕн ирĕклĕ майпа кĕрешес енĕпе уçă турнир иртнĕ. Унта "Паттăр" спорт шкулĕн воспитанникĕсем те ăнăçлă ăмăртнă. Хăйсен виçе категорийĕсенче пĕри пăхăр, виççĕн кĕмĕл медальсене тивĕçнĕ. Евгений Майоров (33 кг) иккĕмĕш, Савелий Кошкин (55), Владимир Журавлев (60), Дмитрий Власов (92) виççĕмĕш вырăнсене йышăннă.

Турнира Патăрьел, Вăрнар, Йĕпреç, Канаш, Хĕрлĕ Чутай, Красноармейски, Муркаш муниципалитет округĕсенчи, Канаш, Шупашкар хулисенчи, Тутарстан, Мордва Республикисенчи тата Ульяновск облаçĕнчи 250 çамрăк спортсмен хутшăннă.

Çĕнтерỹçĕсемпе призерсем кубоксене, медальсене, грамотăсене тивĕçнĕ. Турнира кĕрешỹçĕсене Вячеслав Спиридонов тренер хатĕрленĕ.