Раççей Федерацийĕн Президенчĕн Хушăвĕпе килĕшỹллĕн 1253-мĕш полкăн инженерпа сапер ротин саперне, Нăрваш Шăхалĕнче çуралса ỹснĕ Алексей Адикина тата штаб начальникне -1251-мĕш мотострелоксен полкĕн командирĕн пĕрремĕш заместительне, Тутар Тимешĕнче кун çути курнă Руслан Валиуллина Украинăри ятарлă çар операцинче ума лартнă тĕллевсене пурнăçланă чухне хăюлăх кăтартнăшăн Паттăрлăх орденĕпе наградăланă. Вĕсем сумлă наградăна Раççей кунне халланă мероприятинче, Хĕрлĕ тỹремре, Чăваш Республикин Пуçлăхĕн Олег Николаевăн аллинчен илме тивĕçнĕ.

Çак кунсенче Патăрьел муниципалитет округĕн пуçлăхĕ Рудольф Селиванов Руслан Валиуллинпа тĕл пулнă. Рудольф Васильевич ентеше сумлă наградăна тивĕçнĕ ятпа саламланă, çар тивĕçне таса чунпа пурнăçланăшăн, Тăван çĕршыва неонацистсенчен хỹтĕленĕшĕн тав тунă.

(Хамăр корр.)