Паллах, пур ỹсен-тăран та тухăçлă япаласем пулсан лайăх çитĕнет. Чылайăшĕ лавккаран туяннă удобренипе усă курма тăрăшмасть, халăх мелне шута илет. Помидора апатлантармалли темиçе мел сĕнетпĕр.

Кĕлпе: 1 стакан кĕле 10 литр шывра ирĕлтермелле. Помидор йăранне сапмалла.

Çĕпрепе: 1 хутаç типĕ çĕпрене 2 апат кашăкĕ сахăрпа хутăштармалла, кăштах ăшă шыв ямалла. Çак хутăша 10 литр шывра ирĕлтермелле. Помидорăн пĕр тĕпне хатĕр шĕвеке çур литр сапмалла.

Ĕне выльăх тислĕкĕн шĕвекĕпе: витрене çурри таран тислĕк ямалла, унтан шыв тултармалла та хупса пĕр эрне лартмалла. Ун хаççăн 1 литр шĕвеке 10 литр шывпа хутăштарса пĕр тĕп помидора 1 литр сапмалла.

Вĕлтĕренпе: пысăк савăтăн 2Ỹ3 пайне çамрăк вĕлтĕрен тултармалла та шыв ямалла, хупса 7-10 кун лартмалла. Унтан йỹçнĕ 1 литр шĕвеке 10 литр шывпа хутăштарса кашни тĕп помидора 1-2 литр шăвармалла.