ЮХМАПА Пăла тăрăхĕнче пурăнакансем Украинăри ятарлă çар операцине хутшăнакан салтаксем патне гуманитари пулăшăвне, хỹтĕлев сеткисене, апат-çимĕç, тăхăнмалли тумтир, служба ĕçĕнче кирлĕ ытти япаласене ăсатсах тăраççĕ. Акă, çак кунсенче çеç Кивĕ Ахпỹртсем пĕрлехи вăйпа, 2-3 кунрах халăхпа кар тăрса укçа пуçтарнă, унпа УАЗ автомобиль туянса ăна кирлĕ пек юсанă. Эдуард Салмин водитель вара техникăна кирлĕ çар чаçне ентешсем патне çитернĕ. Ыр кăмăллăх пулăшăвĕшĕн яланхи пекех салтаксем чун-чĕререн тав тунă, пур çĕре те кĕрсе-тухма меллĕ транспорт вĕсене умма лартнă тĕллевсене вăхăтра пурнăçлама пулăшнине палăртнă.