ПАТĂРЬЕЛ муниципалитет округĕнчи Мăшăрлану керменĕ ырă йăла-йĕркене малалла тăсса кашни уйăхрах 50, 55, 60 е тата ытларах пĕрле пурăнакансене саламлать. Июльте те пур çак сăлтавпа ăшă салам сăмахĕсене йышăнакансем.

Хирти Пикшикри Рифкать Зарифулловичпа Минзетия Аляметдиновна Яфизовсем тата Патăрьелĕнчи Алексей Александровичпа Людмила Витальевна Сурнаевсем çемье чăмăртани те 50 çул çитет. Вĕсенчен пĕрисем виçĕ, теприсем тăватă ача çуратса пурнăç çулĕ çине кăларнă. Ылтăн туй Яфизовсемпе Сурнаевсемшĕн çемье юратăвĕн тĕп палли.