ШКУЛ ачисен çуллахи каникулĕвăй илсех пырать. Хальхи вăхăтра ялсенче хуларан аслашшĕ-асламăшĕ е кукашшĕ-кукамăшĕ патне вăхăтлăха пурăнма килнĕ шăпăрлан та нумай. Вĕсем те ытларах велосипедпа, мопедпа ярăнма кăмăллаççĕ. Икĕ ураллă "хурçă ут" сезонĕ хĕрсе пынă май, ялсенче пăтăрмахсем те сиксе тухаççĕ-мĕн. Муниципалитет округĕнчи полици уйрăмĕнчен пĕлтернĕ тăрăх, ачасем велосипедсене, мопедсене ăçта килчĕ унта пăрахса хăварнă е вĕсем çухалнă тĕслĕхсем те пур. Çавăнпа та аслисен çакна шута илмелле, вĕсене сăнасах, тĕрĕслесех тăмалла.