Юхмапа Пăла тăрăхĕнче "Батыревский" пĕрлешỹ вырма ĕçне пĕрремĕш пуçăнчĕ. 180 гектар йышăнакан кĕрхи тулла пухса кĕртме харăсах виçĕ комбайн тухрĕ. "Уй-хир карапĕсемпе" Геннадий Ялуков, Владимир Викторов, Вадим Краснов ĕçлеççĕ, вĕсене Владимир Кудряшов, Николай Викторов, Данил Краснов пулăшаççĕ. Кĕрхине пĕтернĕ хыççăн техника пăрçа анине куçать.

Нумай çул ỹсекен курăксене иккĕмĕш хут 2153 гектар çулнă. "Красное Знамя", "Куснар", "Труд" хуçалăхсенче ку ĕç малалла пырать, "Исток" çĕр ĕç фирминче вара вĕçленнĕ. Сăмах май, "Труд" кооперативра пĕр çул çитĕнекеннисене те пухса кĕртессипе ĕçлеççĕ.

Округра вăрлăх сухана кăларма пикеннĕ.

Утă 6862 тонна, сенаж 7578 тонна хатĕрленĕ.