ИРТНĔ эрнере Патăрьелĕнчи пушар хуралĕн ĕçченĕсен çине-çинех вут-çулăмпа куçа-куçăн кĕрешме тивнĕ. Июлĕн 10-мĕшĕнче Шăнкăртамра пулнă инкекĕн сăлтавĕ - юсавсăр электропроводка. Тепĕр кунхине вара "01" служба сотрудникĕсен ирхине те, каçхине те пушар сỹнтерме тивнĕ. Патăрьелĕнчи пушар надзорĕн начальникĕн тивĕçĕсене вăхăтлăх пурнăçлакан Дмитрий Платонов хаçат редакцине пĕлтернĕ тăрăх, округ центрĕнчи инкек электросчетчикрен, Çĕнĕ Ахпỹртри пушар кĕсье телефонĕн заряд илмелли устройствинчен тухнă. Çавăнпа та телефона "чун кĕртес" тесен ăна тимлĕхсĕр пăрахса хăвармалла мар.

Ку таранччен Юхмапа Пăла тăрăхĕнче 29 пушара шута илнĕ. Иртнĕ çулхи çак тапхăрта 16 пушар пулнă.