Чăваш Республикин Пуçлăхĕн 2024 çулхи июлĕн 31-мĕшĕнче кăларнă 371-рг хушăвĕпе килĕшỹллĕн чăваш чĕлхипе тата литературипе, тутар чĕлхипе тата литературипе, мордва чĕлхипе тата литературипе шкул ачисем хушшинче йĕркеленĕ регионсем тата пĕтĕм тĕнчери халăхсем хушшинчи олимпиадисен çĕнтерỹçисемпе призерĕсене хатĕрленĕшĕн 21 вĕрентекене укçан хавхалантарма йышăннă.

 Çак йыша пирĕн муниципалитет округĕн вĕрентекенĕсем те кĕнĕ. Пăлапуç Пашьелĕнчи вăтам шкулти чăваш чĕлхипе литературине вĕрентекен Светлана Петровна Никитина 100 пин тенке, Ыхра Çырминчи вăтам шкулти чăваш чĕлхипе литературине вĕрентекен Светлана Пантелеймоновна Кулаковăпа Шăнкăртамри пĕрремĕш вăтам шкулти тутар чĕлхипе литературине вĕрентекен Зекия Шейхулловна Мтеева 50-шар пин тенке тивĕçнĕ.