27 пин ытла суйлавçă, 45 суйлав участокĕпе суйлав участокĕсен комиссийĕсен 309 членĕ тата Патăрьел территори суйлав комиссийĕн 9 членĕ тĕпрен илсен Юхмапа Пăла тăрăхĕнче суйлав еплерех иртессине татса параççĕ. Суйлав участокĕсенчи комиссисем тĕрлĕ професси çыннисене пĕрлештерсе тăраççĕ. 2021 çултанпа Чăваш Енре июлĕн 27-мĕшĕнче Суйлав комиссийĕсен кунне паллă тăваççĕ.

Çак ятпа йĕркеленĕ мероприятие пухăннисене Чăваш Республикинчи Суйлав комиссийĕн председателĕн çумĕ Игорь Михайлов, Патăрьел муниципалитет округĕн пуçлăхĕн çумĕ - коммуналлă хуçалăх тата ресурс тивĕçтерĕвĕн пай пуçлăхĕ Николай Андреев, Патăрьел территори суйлав комиссийĕн председателĕ Марат Айзатуллов саламланă. Шупашкар хăни суйлав кампанийĕсем Юхмапа Пăла тăрăхĕнче çỹллĕ шайра иртнине палăртнă май комиссисен чи хастар членĕсене тĕрлĕ шайри Хисеп хучĕсемпе тата Тав хучĕсем алран тыттарнă. Çавăн пекех шкул ачисем хушшинче "Суйлав - çамрăксен куçĕпе" онлайн - конкурс çĕнтерỹçисене те чысланă.

(Хамăр корр.)