Мари Эл Республикин тĕп хулинче триатлон енĕпе йĕркеленĕ ăмăртуран Патăрьелсен çамрăк спортсменĕсем хавхаланупа таврăннă. Кун валли сăлтавĕ те пур. Самина Мухаметзянова пĕрремĕш, Милана Алексеевăпа Рияз Азмуков иккĕмĕш, Самира Феткуловăпа Сабиль Салихов виççĕмĕш вырăнсене йышăннă. Старта тăнă ăста спортсменсем хушшинче Даниил Иванов, Тимофей Иванов, Василиса Иванова, Рамина Купкенова, Алсу Кучатова, Самира Салихова, Ева Антонова, Карим Камалдинов, Данир Рафиков, Мурат Шакуров, Сафия Хафизова, Елизавета Матвеева, Тимур Хамдеев начар мар кăтарту тунă. Çамрăк спортсменсен ăсталăхне "Паттăр" спорт шкулĕнче Светлана Рубцовăпа Валерий Платонов тренерсем туптаççĕ.