ТУРХАНТИ вăтам шкулти "Атьăр, пĕрле" волонтерсен ушкăнĕнчи хастарсем - Дмитрий Кольцовпа Алексей Самарин ертỹçисем тата Глеб Фоминпа Данил Ершов юлташĕсем хăйсен вăйĕпе икĕ тонна ытла тимĕр-тăмăр пуçтарнă. Унпа пылак çимĕç, планшет е тата ытти астармăш тавар туянман. Ăна сутнă укçипе вара Турхан, Упамса, Çĕньял, Каншел, Первомайски, Пăлапуç Пашьел ялĕсенчи йывăр шăпаллă тата сусăр ачасене велосипедсем туянса панă.

Ырă ĕç тума, çынна пулăшма, ваттисене хисеплеме ачаранах, шкул саккинченех хăнăхма, вĕренме пулать. Турханти волонтерсем - ыттисемшĕн ырă тĕслĕх.