Çак кунсенче Украинăри ятарлă çар операцине хутшăнакан Анатолий Чебоксаров тăван ялне - Пăлапуç Пашьелне - отпуска пысăк кăмăлпа таврăннă. Çакăн валли салтакăн сăлтав та пур. Нумай пулмасть вăл çар операцийĕнчи паттăрлăхшăн, çарти тивĕçне пысăк шайра пурнăçланăшăн Георгий Жуков медальне тивĕçнĕ.

 Тăван тăрăха канма таврăнсан салтак чăн малтанах ялти храма кĕрсе сывлăхшăн, çĕнтерỹшĕн, ăнăçушăн çурта лартнă, пачăшкăран пил илнĕ. Çавăн пекех Патăрьел муниципалитет округĕнчи депутатсен Пухăвĕн депутачĕпе Петр Ларевпа тĕл пулнă, çар çыннисем пысăк кăмăл-туйăмпа çĕнтерỹшĕн малалла ăнтăлнине каланă.

 (Хамăр корр.)