Кăçал муниципалитетра пĕрчĕллĕ тата пăрçа йышши культурăсем 15066 гектар йышăннă, унтан 5,7 пин гектар (37,8 процент) пушаннă. Вăтам тухăç пĕр гектартан 30,2 центнерпа танлашать. Шел пулин те, çанталăк условине пула техника хире хальлĕхе тухаймасть.

Юлашки çулсенче патшалăх пулăшăвĕпе усă курса техника паркĕ те аванах çĕнелчĕ. Кăçал 90 единица ытла ял хуçалăх техникипе тĕрлĕ хатĕр туяннă, вăл шутран: трактор - 43, комбайн - 1, выльăх апачĕ хатĕрлекен комбайн - 1.

Паяна муниципалитетра 1504 единица трактор, 300 ытла прицеп, 108 комбайн шутра тăрать.