ЮРАТНĂ Шупашкарăмăр 555 çул тултарнине халалланă уяв çитрĕ те, иртсе те кайрĕ. Паян ырă хыпарсене пайлама та кăмăллă. Акă, "Спартак" стадионта кире пуканĕ йăтассипе иртнĕ ăмăртура пирĕн çамрăк спортсменсем савăнтармаллипех савăнтарнă. Туçа чиперкки Екатерина Измайлова 8 килограмлă пукана 132 хутчен çĕклесе пĕрремĕш вырăн йышăннă! Кĕçĕн Чементи Марийăпа Елизавета Васильевăсем иккĕмĕшпе виççĕмĕш вырăнсенче. Çавăн пекех хăйсен çулĕнчисем хушшинче Сăкăтри Аделина Краснова 2-мĕш, Туçари Ксения Измайлова 3-мĕш вырăнсене çĕнсе илнĕ.

Арçын ачасенчен те Туçасем палăрнă. 2011 çулхи тата кĕçĕнрех ачасем хушшинче Артур Катин пьедесталăн виççĕмĕш картлашки çине тăма тивĕçнĕ. Павел Рубцов вара 24 килограмлă пукана 106 хут çĕклесе уяв ăмăртăвĕнче 2-мĕш тухнă.