"Единая Россия" партин "Ачана шкула хатĕрле" акцийĕпе килĕшỹллĕн Патăрьелĕнчи ачасен ăсталăх шкулĕнче Украинăри ятарлă çар операцине хутшăнакан çĕршыв хỹтĕлевçисен çитĕнекен ăрăвне (вĕсем пирĕн муниципалитетра 35-ĕн) шкула каймалли канцеляри таварĕсен пуххине пачĕç. Çак ятпа сăмах илнĕ май муниципалитет округĕн пуçлăхĕ Рудольф Селиванов тылпа фронт пĕрлĕхĕ çĕнтерĕве çывхартма пулăшасса шаннине каларĕ. Ачасене паттăртан та паттăр ашшĕсемпе мухтанма ыйтрĕ. Мăшăрĕсене йывăр лару-тăрура ăнлануллă пулнăшăн, амăшĕсене хастар çĕршыв хỹтĕлевçисене пăхса çитĕнтернĕшĕн тав турĕ.

Патăрьелĕнчи халăха социаллă пулăшупа тивĕçтерекен социаллă центр директорĕ Николай Ялуков патшалăх ачасем ятарлă операци тапхăрне ан туйчăр тесе мĕн кирлине пĕтĕмпех тума тăрăшнине палăртрĕ.

Альбина ИВАНОВА