Украинăри ятарлă çар операцине хутшăнакан ентешсемпе пирĕн чăннипех те мухтанмалăх пур. Вĕсем хăйсен паттăрлăхĕпе, Тăван çĕршыва юратнипе ыттисемшĕн те тĕслĕх вырăнĕнче.

Çак кунсенче ырă хыпар çитрĕ. Филипп Бельдеков (ỹкерчĕкре, сулахайри) Жуков медальне илнĕ. Туçа каччине маларах "Ятарлă çар операцийĕн участникĕ", "Çапăçури паттăрлăхшăн" медальсене тата Раççей Федерацийĕн радиоэлектронла кĕрешỹ çарĕн асăну медальне панă.

Филипп ятарлă çар операцийĕ пуçланнăранпах неонацистсене хирĕç кĕрешет.

Запорожьере служба тивĕçне пурнăçлакан Алексей Васильев (ỹкерчĕкре, сылтăмри), "Кама" чĕнỹпе çỹрекенскер, "Службăра палăрнăшăн" тата Жуков медалĕсене нумай пулмасть тивĕçнĕ.

 Алексей Владимирович - Патăрьел каччи. Тăван çĕршыва хỹтĕлекенсем кирлине ăнланса хăй ирĕкĕпе 2023 çулта ятарлă çар операцие тухса кайнă.

Ольга ПАВЛОВА