Çак кунсенче муниципалитет округĕн пуçлăхĕ Рудольф Селиванов ертсе пынипе террора хирĕç кĕрешекен комиссин черетлĕ ларăвĕ иртнĕ.

Вĕрентỹ учрежденийĕсенче Пĕлỹ кунĕ ячĕпе уяв мероприятийĕсем йĕркелеме палăртнă май, комисси председателĕ шкулсенче линейкăсенче хăрушсăрлăх йĕркисене пурин те çирĕп пăхăнмаллине çивĕчлетнĕ. Çавăн пекех ларура 2024-2025 вĕренỹ çулĕсенче вĕренỹ объекчĕсене террорла хăрушлăхран хỹтĕлемелли мерăсене пăхăнмаллине, ку тĕлĕшпе саккуна пăхăнса ĕçлемеллине, мĕн пур çитменлĕхе пĕтермеллине, ятарлă службăсемпе çыхăну тытса ĕçлемеллине, чрезвычайлă лару-тăрура мĕнле йышăнусем тумаллине тата ыттине те сỹтсе явнă.

 (Хамăр корр.)