Сентябрĕн 8-мĕшĕнче Танкистсен кунне паллă тăваççĕ.

Ку уява округра та пĕр йĕрсĕр ирттермерĕç. Танкист-ветерансене Патăрьел муниципалитет округĕн пуçлăхĕн пĕрремĕш çумĕ - строительство, çул-йĕр хуçалăх тата хăтлăх управленийĕн начальникĕ Равиль Ямалетдинов, Патăрьел тата Шăмăршă районĕсен çар комиссарĕ Вячеслав Илюткин саламланă. Малашне те туслăха, патриотлăх туйăмне упрама, çамрăк ăрушăн тĕслĕх пулма суннă.

Танкист-ветерансем çар тивĕçне пурнăçласа пуçне хунă салтаксене асăнса пĕр самант шăп тăнă, танк-палăк умне чечексем хунă. Ун хыççăн обществăлла ĕçе хастар хутшăннисене Хисеп грамотисемпе Тав çырăвĕсем парса чысланă.

 (Хамăр корр.)