Муниципалитетра пĕрчĕллĕ тата пăрçа йышши культурăсене пĕтĕмпех пухса кĕртнĕ. Кăçал вăл 14995 гектар йышăннăччĕ. Вăтам тухăç пĕр гектартан 28,9 центнерпа танлашнă.

 "Красное Знамя", "Батыревский", "Исток" хуçалăхсенче, Наиль Шрша фермер хуçалăхĕнче çĕр улми кăларма пуçăннă.

 Сăкăтри Мария Лаврентьева фермер хуçалăхĕнче сахăр кăшманĕ кăлараççĕ. Тымар çимĕçе пухса кĕртнĕ çĕре икĕ комбайн хутшăнать. Пĕр гектартан вăтамран 550 центнер тухать.

Планпа килĕшỹллĕн кĕрхи культурăсене 2100 гектар акмалла пулнă. Палăртнă тĕллеве пурнăçланă.

Кĕрхи çĕртме 13536 гектарта тунă.

 Выльăхсене валли апат хатĕрлеме куккурус 340 гектар вырнă. Утă - 13650 тонна, силос - 7550, сенаж 28690 тонна хатĕрленĕ.