ÇУНАНА çуллах хатĕрлеме хушнă ваттисем. Хĕл кашни коллектившăн, уйрăм хуçалăхсемшĕн шанчăклă иртсе кайтăр, шартлама сивĕ кунсем ан хăратчăр тесен хăш-пĕр ĕçсене халех пурнăçламалла. Чăн малтанах ăшăпа тивĕçтерекен котельнăйсенчи кăлтăксене пĕтермелле, ăшă таракан шăтăк-çурăка питĕрмелле, шанчăклă специалист-оператор пирки те ыйтăва паян- ыранах татса памалла. Хĕл кашни çулах хăйĕн кăралăхне кăтартать, пуринчен те çирĕп ыйтать. Çавăнпа вĕрентỹ, сывлăх сыхлавĕн учрежденийĕсенче çак ыйтупа уйрăмах тимлемелле.