Сасово хулинче полиатлон енĕпе тĕнче чемпионачĕ иртнĕ. Унта 6 патшалăхран 110 ытла спортсмен хутшăннă. Команда йышĕнче Краснодар хулинчи олимп резервĕсен спорт шкулĕнче вĕреннĕ Николай Мазяков полиатлонист та пулнă. Вăл виççĕмĕш вырăн йышăннă. Вăл пирĕн ентеш, "Паттăр" спорт шкулĕн выпускникĕ. Пăлакассинче çуралса ỹснĕ. Владимир Карягин тренер-преподаватель патĕнче ишес ăсталăха илнĕ.
Халĕ Коля Краснодар хулинчи çар училищинче вĕренет.
Февраль 2026 |
