ЮЛАШКИ çулсенче Юхмапа Пăла тăрăхĕнче корэш мелĕпе помост çине тухакан спортсменсем тĕрлĕ шайра çитĕнỹ хыççăн çитĕнỹ туса савăнтараççĕ. Акă, çак кунсенче çеç Тюменьре Раççей Геройĕн Рустам Сейфуллинăн парнисене çĕнсе илессишĕн Раççей Кубокĕн ăмăртăвĕ вĕçленнĕ. Унта федерацин Атăлçи округĕн командин йышĕпе пирĕн спортсмен Алмаз Ишмуратов та хутшăннă. Вăл 80 килограмлисемпе тупăшса пăхăр медаль илме тивĕçнĕ.

Хусанта вара спортăн çак енĕпех Тутар Республикинче мала тухассишĕн пысăк ăмăрту иртнĕ. Унта та пирĕн округри Ильшат Купкенов кĕмĕл медаль призерĕ пулнă. Пултаруллă спортсменсене те, вĕсен наставникне Эльфис Мтиева та çĕнтерỹпе саламлама сăлтавĕ пысăк.