Хальхи вăхăтра ялсене хăтлăлатма, çулсене тирпейлеме, спорт лапамĕсем тума, масар картисене çĕнетме тата ытти ыйтăва пурнăçа кĕртме Чăваш Республикинчи ял хуçалăх министерстви йĕркелесе пыракан халăх пуçарăвĕн программи пысăк пĕлтерĕшлĕ. Çĕнĕ çултан программăна кĕрес тесен халăхăн хастарлăхĕ тата ытларах кирлĕ. Паян çак ыйтупа Патшалăх çăмăллăхĕсен пĕрлехи порталĕнче объекта пурнăçа кĕртме хăйсен сассине пани пĕлтерĕшлĕ. Патăрьел территори пайĕпе автомобиль çулĕсене юсас тĕллевпе тăратнă программăсенчен пĕри - пирĕн Южное урама (ỹкерчĕкре) çул сарасси те кĕрет. Çивĕч ыйтăва пурнăçа кĕртес тесен асăннă портал урлă ноябрĕн 12-мĕшĕччен хамăр сасăсене памалла. Сасă çитмесен конкурса хутшăнтармаççĕ. Пĕрле чухне кирек мĕнле ыйтăва татса пама та ансат. Шанас килет, Патăрьелсем те сасăлавра пысăк хастарлăх кăтартĕç.

Талгать ШАКУРОВ, Патăрьел муниципалитет округĕнчи Общество канашĕн членĕ, АПК ветеранĕсен канашĕ председателĕн çумĕ, Чăваш Республикин тава тивĕçлĕ экономисчĕ