Çак кунсенче Патăрьел районĕн пуçлăхĕнче тăрăшнă Николай Селиванов, вĕрентỹ ĕçĕнче тимленĕ Александра Иголкина, Чăваш Республикин культурăн тава тивĕçлĕ ĕçченĕ Владимир Антонов, округри культура ĕçченĕ Рамиля Незметдинова Çĕньялта пурăнакан Раççей Федерацийĕн тата Чăваш Республикин культурăн тава тивĕçлĕ ĕçченне Анатолий Шакина сума суса ун патне килне кайнă. Вĕсен кашнинех Анатолий Степановича каласа памалли пайтах пулнă.

Анатолий Степановичăн мăшăрĕ ăш пиллĕ тĕл пулушăн тав тунипе пĕрлех сумлă хăнасем килни кил хуçишĕн темле хаклă эмелтен те пахине палăртнă.

(Хамăр корр.)