Çĕнĕ çулхи каникул умĕн Тутар Сăкăтĕнчи вăтам шкулта математика, информатика, физика эрни иртрĕ. Вĕрентекенсем ачасем валли интереслĕ, усăллă, кăсăклă мероприятисем, конкурссем, ĕçсем хатĕрлерĕç. 5-11 классенче вĕренекенсем çỹлерех асăннă предметсемпе диктантсем çырчĕç. Флюра Козлова вĕрентекен ертсе пынипе "МиФ" интеллектуаллă вăйă иртрĕ. Унта 10-11 классенчи ачасем пĕрле ăмăртрĕç. Чăн-чăн уяв пулчĕ вăл. Чи кăткăс задачăсене те шутлама пултарчĕç. Командăпа ĕçленине кăтартрĕç.

Вăййăн кашни тапхăрĕ килĕштерсе хурав панине, пĕр-пĕрне пулăшма пултарнине палăртрĕ. 11 класра вĕренекенсен "Синус-косинус" команди 29 балл пухса мала тухрĕ.

Çиччĕмĕш классенче вĕренекенсемпе Рамия Сабитова математика брейн-рингне ирттерчĕ. Унта "Треугольники" команда çĕнтерчĕ.